有時候我地嘅能量係咩狀態就會吸引咩人
有時好怕撘的士
有一次我上堂就遲到，心情好緊張，
撘左的士，落車先知自己得五百蚊紙幣
個司機唔肯找仲鬧我，話法律有話有權唔找$500咖唔信我車你去警局問下!
真係好惡，其實佢可以心平氣和話無得找比我呀，我搵個方法去拎錢都可以，唔需要鬧人咖。
好彩最後，有朋友接我幫我比左😂🙈
之後我撘親的士都check一check個銀包先
😂
今個星期返工，需要撘的士但我知車程只有$32-40左右。
一check銀包，頂丫得$500😂
咁我上車前都講聲”唔好意思我得$500可以嗎?”
今次呢個司機好歡樂，佢話緊係可以啦，
咁我就同左佢講我上次因五百蚊紙幣比司機鬧嘅故事。
呢個司機嘅回應今人好開心，佢話你諗下呢D咁嘅人平時睇電視睇戲見得多,咁都比你喺現實遇到,咪笑下算囉，哈哈哈
佢真係笑左，仲講左幾次😂
可能係我依個星期都好離奇地好開心，
所以遇到咁得意嘅人
真嘅，我地日子點都要過，
盡量令自己用一個輕鬆嘅心情去睇事情🙈
自然你會吸引到多D好事情
Search